1. లైంగిక దోపిడీ

   ■      బాధితులు చాల శాతం మహిళలే. ఈ దోపిడీలో మహిళలు బలవంతంగా లైంగిక కార్యకలాపాలలోకి నెట్టి వేయబడతారు. ఈ దోపిడీ  వ్యభిచారగృహాలలో, అటువంటి ప్రదేశాలలో జరుగుతుంది.
2.  వెట్టి/బలవంతపు చాకిరి

• వ్యక్తులను భయపెట్టి , బెదిరించి బానిసలలాగా బలవంతంగా చాకిరీ చేయించుకోవటం , లేదా చాలా కొద్దిపాటి జీతం ఇచ్చి వారి అప్పులు తీర్చినట్లు మోసగించటం.
• బాధితులు తమ అంగీకారంతోనే ఒప్పందాలలో ఇరుక్కుంటారు.
• ఈ బాధితులు కొన్ని పరిమితుల కారణంగా చాలా కొద్ది జీతం తీసుకుంటూ ఎంతో ఎక్కువ కాలం యజమాని ఇంట్లో పనిచేస్తారు.

3. అవయవాల అక్రమ రవాణా

■      ఈ నేరస్థులు బాధితుల అవయవాలను డబ్బు కోసం వేరొక చోటికి రవాణా చేస్తారు. వీరికి లింగభేదం ఉండదు,వయసుతో పనిలేదు.

■      చిన్న పిల్లల దగ్గర నుంచి ముసలివాళ్ళే గాక , శవాల నుండి కూడా వీరు అవయవాలు సేకరించి రవాణా చేస్తారు.

■      ఈ విషయమై బాధితుల అనుమతి ఉండవచ్చు, ఉండకపోవచ్చు.

• ఆడపిల్లలు ,మగపిల్లలు ,ఇద్దరూ అక్రమ రవాణాకు గురి అవుతారు. కార్మికులుగా/ పనివాళ్ళుగా వాడటం కోసం, లైంగిక వ్యాపారం కోసం అక్రమ రవాణా జరుగుతుంది. మిలిటరీ క్యాంపులలో వంటగదుల్లో నిర్బంధకూలీలుగా లేక హింసాత్మక మైన అక్రమ కార్యకలాపాలలో ఈ పిల్లలను పీడించటం జరుగుతుంది. 
• 18 ఏళ్ల లోపు మైనర్లుగా భావించబడే పిల్లలు.
• బాలకార్మికులుగా దోపిడీకి గురయ్యే పిల్లలు ఎక్కువగా  నిరుపేద , అట్టడుగు వర్గాల పిల్లలై ఉంటారు.ఈ పిల్లల తల్లిదం
• డ్రులు తమ నిరుపేద సామజిక,ఆర్థిక పరిస్థితుల కారణముగా తమ పిల్లలకు మెరుగైన జీవితం/ ఉపాధి దొరుకుతుందని నమ్మి / మోసపోయి తమ పిల్లలను ‘అమ్మటం’ లేదా ట్రాఫికర్స్ తో ‘పంపటం’ జరుగుతుంది.
• ఈ పిల్లలు తరచూ వ్యభిచారం లేదా బిచ్చగాళ్ల రాకెట్ లలో చేర్చబడి వారి జీవితాలు దోపిడీ, లైంగిక వేధింపుల పాలౌతాయి.
• బాలలపై లైంగిక హింస (CSA) అనేది పిల్లలను లైంగిక దృష్టితో చూసి వారిని మానసిక , శారీరక వేధింపులకు గురి చెయ్యటం. ఇది సాధారణంగా ఆ పిల్లలపై అధికారం ఉన్నవాళ్లు లేదా ఆ పిల్లలు నమ్మేవాళ్ళు చేసే నేరం. ఈ నేరం లో 1) ఒక వయోజనుడు తన మర్మాంగాలను బయటపెట్టి పిల్లలను కూడా అదే పని చెయ్యమనటం,  2) పిల్లలను లైంగికంగా తాకటం , వారితో నోటి ద్వారా , యోని ద్వారా /మర్మాంగాల ద్వారా సంభోగం జరపటం, బలాత్కారం /సోడమీ . 3) ఒక వయోజనుడు బాలుడిని/బాలికను అశ్లీల చిత్రాలు వినమని/ చూడమని ప్రోత్సహించటం 4) వయోజనుడు మైనర్ బాలికను పెళ్లి చేసుకోవటం కూడా బాలలపై అత్యాచారాల పరిధిలోకి వస్తుంది.

అంతర్జాలం /సాంకేతికతను ఉపయోగించి బాధితులను గుర్తించటం; బాధితుల సేవలను (చెయ్యగలిగే పనులను) లేక వారి అవయవాలను కొనుగోలుదారులను / కస్టమర్లను ఆకర్షించటానికి  ప్రచారం చెయ్యటం .

వీరు అంతర్జాలాన్ని ఈ క్రింది వాటి వలన లాభదాయకంగా ఉపయోగించగలరు:

•   అంతర్జాలం లభ్యత
•   సాంకేతికత మరియు సేవలు అందుబాటులో ఉండటం
•  అంతర్జాలం వాడే వారి గోప్యత ( పట్టుబడే అవకాశం తక్కువ)
•  వేగం – చాలా వేగంగా కేవలం డిజిటల్ గుర్తులు మాత్రమే ఉంటాయి.
•  నేరస్థులు ఇంటి వద్దనే కూర్చుని ఎన్నో వేరువేరు ప్రదేశాలలో , ఎంతో మంది బాధితులను చేరుకునే వెసులుబాటు
• బాధితులు, నేరస్థుల గోప్యత వల్ల వారిని గుర్తించలేరు.
• పెట్టుబడి కంటే ఎంతో ఎక్కువ లాభాలు తెచ్చిపెట్టే నేరం.
• సైబర్ మాధ్యమంలో జరిగే ఈ నేరాలపై తగిన విధివిధానాలు, చట్టాలు లేకపోవటం చేత క్షేత్రపరిధి లో జరిగే , విచారణలో అనేక సమస్యలు ఎదురవుతున్నాయి.